Sirdaryo viloyati maktabgacha va maktab ta’limi boshqarmasi boshlig‘ining tashabbusi bilan bugun kuni Guliston shahrida joylashgan Muhammad al-Xorazmiy nomidagi ixtisoslashtirilgan maktabi Guliston filialida “Viloyat yosh o‘qituvchilar uyushmasi”ning birinchi forumi bo‘lib o‘tdi.

Mazkur nufuzli forum viloyatimizda faoliyat olib borayotgan tashabbuskor yosh o‘qituvchilarni bir maydonga jamlab, ularning:
🔹kasbiy bilim va ko‘nikmalarini rivojlantirish,
🔹 zamonaviy pedagogik tajribalarni ommalashtirish,
🔹 ilg‘or tashabbus va innovatsion g‘oyalarni qo‘llab-quvvatlash,
🔹 ta’lim sifatini yangi bosqichga olib chiqish kabi ustuvor maqsadlarga xizmat qiladi.

🫥Forum doirasida ochiq muloqotlar, tajriba almashish sessiyalari, motivatsion chiqishlar hamda yosh pedagoglarning taklif va tashabbuslari muhokama qilindi.

✅ Bu forum — yosh o‘qituvchilar uchun yangi imkoniyatlar, mustahkam hamkorlik va yorqin kelajak sari muhim qadam!

Forum doirasidagi navbatdagi muhim va quvonchli lahzalardan biri yosh pedagoglarni e’tirof etish bo‘ldi. Viloyatimizda faoliyat yuritayotgan 50 nafar yosh o‘qituvchilarga Sirdaryo viloyati maktabgacha va maktab ta’limi boshqarmasi boshlig‘i hamda faxriy ustozlar tomonidan tantanali tarzda “Yosh o‘qituvchilar uyushmasi a’zosi” ko‘krak nishonlari taqdim etildi. Mazkur e’tirof yosh pedagoglarning kasbiy faoliyatiga bo‘lgan ishonch va rag‘bat ifodasi bo‘ldi.

Shundan so‘ng, yosh ustozlar uchun viloyatimizdagi tajribali trenerlar ishtirokida amaliy va nazariy o‘quv mashg‘ulotlari tashkil etilib, ularda zamonaviy ta’lim metodlari, innovatsion yondashuvlar hamda samarali dars jarayonlarini tashkil etish masalalari muhokama qilinmoqda.

Forum doirasidagi ushbu o‘quvlar yosh o‘qituvchilarning kasbiy salohiyatini yanada oshirishga xizmat qilmoqda.