Sirdaryo viloyati, Sirdaryo tumanida “Reggio Emilia yondashuvi asosida ta’lim-tarbiya jarayonini tashkil etish” mavzusida viloyat o‘quv-amaliy seminari tashkil etildi.

Seminarda viloyatdagi barcha tuman va shahar maktabgacha ta’lim bo‘limlari mutaxassislari hamda direktor o‘rinbosarlari ishtirok etdi.

Seminar davomida Reggio Emilia yondashuvining mazmun-mohiyati, uni ta’lim-tarbiya jarayoniga tatbiq etish yo‘llari hamda ilg‘or tajribalar amaliy mashg‘ulotlar orqali namoyish etildi.

Ushbu yondashuvning asosiy tamoyillari quyidagilardan iborat:
Bolani markazga qo‘yish
O‘yin va faol tajriba orqali o‘rganish
Muhitning ahamiyati
Ota-onalar bilan hamkorlik
Pedagogning roli
Hujjatlashtirish va kuzatuv

Seminar davomida ishtirokchilar Reggio Emilia yondashuvining nazariy asoslari bilan tanishib, uni amaliy mashg‘ulotlarda qo‘llashning turli usullarini ko‘rish imkoniyatiga ega bo‘ldilar. Shu bilan birga, ilg‘or tajribalar asosida maktabgacha ta’lim muassasalarida bolalarning ijodiy va kognitiv rivojlanishini ta’minlash bo‘yicha samarali metodlar muhokama qilindi.