Sirdaryo viloyati Maktabgacha va maktab ta’limi boshqarmasi tashabbusi bilan bir qator hamkor tashkilotlar bilan hamkorlikda 14-yanvar — Vatan himoyachilari kuni munosabati bilan “Harbiy bilan yonma-yon” loyihasi doirasida “Jasorat maktablari” o‘quvchilari ishtirokida ma’naviy-ma’rifiy tadbir tashkil etildi.

Mazkur tadbir yoshlar qalbida Vatanga sadoqat, jasorat, intizom va fidoyilik tuyg‘ularini mustahkamlashga xizmat qildi.
Bugungi kunda viloyatimizdagi 11 ta tuman va shaharda faoliyat yuritayotgan “Jasorat maktablari”da 286 nafar vatanparvar o‘quvchi tahsil olmoqda.

Tadbir davomida harbiy xizmatchilar va yoshlar o‘rtasida samimiy muloqot bo‘lib o‘tdi, hayotiy tajribalar va ibratli fikrlar bilan o‘rtoqlashildi.

Vatan tinchligi va osoyishtaligini ta’minlash yo‘lida fidokorona xizmat qilayotgan barcha harbiy xizmatchilarimizga chuqur minnatdorlik bildiramiz!

Aziz yoshlar! Sizlar —yurtimizning ertangi tayanchi va kelajak himoyachilarisiz!





