Bugun viloyatimizning barcha umumta’lim maktablarida “Bilimlar kuni” tantanalari zo‘r uyushqoqlik bilan tashkil etildi.

🇺🇿Jumladan, Guliston shahridagi 2-sonli umumta’lim maktabiga yangi o‘quv yilida 175 nafar jajji o‘g‘il-qiz 1-sinfga o‘qishga qabul qilindi.

“Vatan uchun, millat uchun, xalq uchun!” shiori ostida o‘tgan ma’naviy-ma’rifiy tadbirda viloyat hokimi v.b Erkinjon Turdimov, Guliston shahar  hokimi Jamoliddin Xojimanov, Viloyat Maktabgacha va maktab ta’limi boshqarmasi boshlig’i N.Xolbayeva va ota-onalar va keng jamoatchilik vakillari ishtirok etishdi.

Tantanali tadbirni viloyat  hokimi tabrik so‘zi bilan ochib berdi va o‘quvchilarni tabriklab, ularning o‘qishlariga omad tiladi. O’quvchilarning  kelajakda yurtimiz taraqqiyotiga hissa qo‘shadigan insonlar bo‘lib yetishishlariga ishonch bildirdi.

O‘quvchilar tomonidan tayyorlangan badiiy chiqishlar barchaga xush kayfiyat bag‘ishladi. Tadbir so‘ngida barcha rahbarlar birinchi sinf o‘quvchilari bilan samimiy muloqot qildi va jajjilarni yangi o‘quv yili bilan qutladi. Ularga «Prezident sovg‘alari» topshirildi.

Yangi o‘quv yilida mazkur maktabga 5 ta 1-sinf shakllantirilib, 175 nafar o‘quvchi ilk bor maktabga qadam qo‘ydi

a’kidlash joizki, maktabda kapital ta’mirlash ishlari bosqichma-bosqich amalga oshirilib, zamonaviy ta’lim uchun barcha sharoitlar yaratildi.