Hukumat qarorlariga muvofiq, Sirdaryo tumani Yoshlik mahallasida joylashgan pedagogika texnikumi binosida 305 o‘rinli “Ilk rivojlanish markazi” tashkil etildi.

Markaz faoliyati doirasida:

O‘yin guruhi (muqobil model): 100 nafar kam ta’minlangan va oddiy oilalar farzandlariga qisqa muddatli (3,5–4 soat, kuniga 2 smena) ta’lim beriladi.

✅Maxsus maktabgacha ta’lim guruhi: 20 nafar alohida ta’limga ehtiyoji bor bolalarga uyiga tashrif buyurish orqali inklyuziv ta’lim beriladi.

Markazda 4 ta guruh xonasi, pedagoglar, hamshira va rahbar uchun alohida xonalar, ichki hojatxona va yuvinish xonalari mavjud. Zarur jihozlar, o‘quv qo‘llanmalar, badiiy adabiyotlar va rivojlantiruvchi o‘yinchoqlar bilan ta’minlandi.

🖥 Bolalarni ro‘yxatdan o‘tkazish BBIT.uz platformasi orqali amalga oshiriladi.

Mazkur loyiha doirasida 16 ta ish o‘rni yaratiladi.

🔹 Kambag‘al oilalar reyestriga kiritilgan 877 ta oilaning farzandlari ta’lim bilan qamrab olinishi Markazning asosiy vazifasidir.