Халқимиз асрлар давомида айтиб келади: “Устозга ҳурмат – миллатга иззат”. Бу гап бежиз эмас. Ота-она болани дунёга келтиради, устоз эса уни одам қилади. Шунинг учун ҳам устознинг мақоми – энг улуғ мақом.

Муҳтарам Президентимиз бир гапни кўп айтадилар: “Ўқитувчи ва мураббийнинг обрўсини жойига қўйсак, бутун ҳаракатларимиз икки-уч баробарга ошади”. Ростдан ҳам шундай. Чунки деҳқон ерга уруғ солиб ҳосил олади, устоз эса қалбга илм ва меҳр солиб, одамчилик етиштириб беради.

Бугун вилоятимизда 163 мингдан зиёд болага 13 мингдан зиёд устоз билим бермоқда. Улар орасида халқаро олимпиадаларда соврин олган ўқувчиларимиз, Чикаго университетига грантда ўқиётган фарзандларимиз бор. Бу – сизларнинг заҳматингиз, фидойилигингиз, сабр-қаноатингиз шарафидир.

Сўнгги йилларда таълим соҳасига катта эътибор қаратиляпти.

Бу йил инвестиция дастури ва ПҚ-93-сонли қарори асосида вилоятимизда 116 та таълим объектларимизда қурилиш ва таъммирлаш ишлари амалга оширилмоқда.

Бу ишларга бюджетдан жами 644 млрд сўм маблағ ажратилди.

Бу йил 1 та янги мактаб қурилди, 25 та мактаб кенгайтирилди. 11 минг ўқувчи учун қўшимча ўрин яратилди.

Сардобанинг Қуйитош маҳалласида болалар узоқ йўл босиб ўқимаслиги учун 330 ўринли янги мактаб очиляпти.

31 та мактабда 380 миллиард сўмлик таъмирлаш ишлари амалга оширилди.

Мактабгача таълим ҳам изчил ривожланмоқда. 3 та янги боғча қуриляпти, 42 та боғча реконструкция қилинмоқда.

35 йилдан бери боғчасиз қолган Сирдарё туманидаги “Аҳиллик” маҳалласида янги боғча очилиши – халқимиз орзусининг рўёби бўлди.

Улар орасида 2024-2025 ўқув йилида 1 917 нафар битирувчи халқаро ва миллий сертификатга эга бўлди.

Халқаро фан олимпиадаларда вилоятимиз ўқувчилари
2025 йилда 11 та совринли ўринларни қўлга киритди (2024 йилда 7 та).

Ҳар йили Президент соврини учун ўтказиладиган “Хорижий тилларни ўқитиш бўйича энг яхши мактаб” танловининг республика босқичида вилоятнинг Ширин шаҳридаги 2-мактаб жамоаси 3-ўрин эгаллади (2024 йилда 14-ўринни олган).

Ушбу мактаб жамоаси жорий йилнинг октябрь ойида Англиянинг Лондон шаҳрига таълим саёҳатига йўлланма олди.

2025-2026 ўқув йилидан бошлаб вилоятимиздаги барча мактаблар янги баҳолаш тизимига ўтказилади.

2024/2025 ўқув йилида 10 879 нафар битирувчиларнинг 3 222 нафари (30 фоиз) давлат олий таълим муассасаларига ўқишга кирди. Республика бўйича 4 ўринни ташкил этади. (Ўтган йилга нисбатан кириш кўрсаткичи 5,5 фоизга ошган).

Янги ўқув йилида катта мақсадлар қўйдик:

– 1 700 нафар ўқитувчини малака ошириш курсларига юборилади

– йиллар давомида ўқитувчилар учун ноқулай жойда жойлашган ва таъмирга мухтож бўлиб қолган Педагогика маҳорат маркази хам янги замонавий бинога қўчирилади. Мазкур бино жорий йилнинг 1 октябрь санасигача тўлиқ фойдаланишга топширилади. Бу ишларга жами 12 млрд сўм маблағ ажратилади.

– Ҳар бир мактаб раҳбари фаолиятини кўрсаткичлар асосида баҳолаланади.

Бу борада доимий тахлили танқидий йиғилишларни ўтказиб борамиз.

– “Устоз инновацияси” танлови ўтказилади. Бу жараён мактаб раҳбаридан сўраб борилади. Ўқитувчи ўз ишини лозим даражада бажармаса эгаллаб турган лавозимидан озод этилади.