Sirdaryo viloyati maktabgacha va maktab ta’limi boshqarmasi tomonidan Guliston shahar maktabgacha va maktab ta’limi bo‘limiga qarashli 18-umumiy o’rta ta’lim maktabida Maktab o’quvchilari o’rtasida suitsid va zo’ravonlik holatlarini barvaqt oldini olish maqsadida, “O’quvchilar portretini shakllantirish”, “Psixodiagnostika va psixokorreksiya ishlarini tashkil etish” mavzularida o’quv amaliy seminari o’tkazildi.

Seminarda “Delikvent (jinoyatga moyil o’quvchilar) xulq-atvor”, “Addiktiv(qaramlik) xulq-atvor”, “Agressiv(tajovuzkor) xulq-atvor”,”Autodestruktiv(suitsidal) xulq-atvor”, “Erta tug’ruq”, “Bolalarga nisbatan zo’ravonlik”,”O’quvchining psixologik pasporti”,”Bulling”, “Pedagoglar tomonidan o’quvchilarga nisbatan zo’ravonlik” mavzulari bo’yicha seminar ishtirokchilari tomonidan guruhlarga bo’linib, har bir mavzu bo’yicha taqdimotlar yaratildi, mavzular bo’yicha kamchiliklar, yutuqlar muhokama qilindi, psixologik tavsiyalar berildi. Seminarda viloyatning har bir hududlaridan 100 nafar pisxologlar ishtirok etdi.

Seminar yakunida viloyat maktabgacha va maktab ta’limi boshqarmasi sho’ba boshlig’I G. Raxmonova tomonidan o’quvchilarning psixologik portretini yaratish, 9-11-sinf o’quvchilarining kasb.maktab.uz platformasida ishtirok etishlarini ta’minlash, har bir salbiy holatlarini oldini olish bo’yicha psixologlarni vazifalari ko’rsatib berildi, joylarda amaliyotchi psixologlari tomonidan o’quvchilar, pedagoglar va ota-onalarga psixologik treninglarni tashkil etish, bugungi seminar mavzulari hududlarda kaskad usulida barcha psixologlarga yetkazilishi yuzasidan topshiriqlar berildi.