Ijodiy va intellektual qobiliyatni, rol o‘ynash mahoratini ochib beradigan bellashuvning 2-shartida jamoalar ma’rifatparvar allomalar, buyuk siymolar, yozuvchilarning asarlarida ifoda etilgan qahramonlar obrazlarini sahna orqali gavdalantirishmoqda.

2-shart «Teatr-ibratxona» sahna ko‘rinishi

☄️Mazkur shartda ishtirok etuvchi jamoalar milliy va umuminsoniy qadriyatlar, urf-odat va an’analarimizga zid bo‘lmagan, tarbiyaviy ahamiyatga ega bo‘lgan asarlardan birini tanlab (mualliflik sahna asarlari ham inobatga olinadi), sahna asarini namoyish etadi. Hakamlar hay’ati ishtirokchilarning aktyorlik iste’dodi, sahna madaniyati, asarni to‘g‘ri tanlay olishi, nutq madaniyati, asar qahramonlarining kiyimi va dekoratsiyasi, tarbiyaviy ahamiyatga ega ekanligiga e’tibor qaratadi. Bu shart uchun 15 daqiqa vaqt ajratiladi va 20 ball bilan baholanadi.

Tanlovning tuman (shahar) bosqichlarida go’liblikni qo’lga kiritgan 11 ta maktab teatr jamoalari 2 shart bo’yicha o’zaro bellashishdi.

Tanlov natijalariga ko‘ra;

1-o‘rinni— Guliston shahridagi 6-maktabning “Kelajak yulduzlari” jamoasi;
2-o‘rinni — Yangiyer shahar 5-umumta’lim maktabining “Stars stage” jamoasi;
3-o‘rinni— Boyovut tumani 19-umumta’lim maktabining “Ibrat farzandlari” jamoasi egallashdi.

G‘olib va sovrindorlar tadbir yakunida munosib taqdirlandilar.