Joriy yilning 27-noyabr sanasida Maktabgacha ta’lim tashkilotlarida “Pedagog ustaxonasi” faoliyati bilan tanishish, o‘zaro tajriba almashish maqsadida Guliston shahar 15-sonli davlat maktabgacha ta’lim tashkilotida seminar bo’lib o’tdi.

Mazkur ko’rgazma maktabgacha ta’lim tizimida pedagoglar qo‘l mehnatiga tayangan holda bolalarda badiiy mehnatga qiziqishlarini uyg‘otish, maktabgacha yoshdagi bolalarda mehnatga nisbatan muhabbatni tarbiyalash, rasm chizishni innovatsion usullari, metodikasi, xaykaltaroshlik, plastik, metall bilan ishlash, bolalar bayram tadbirlari uchun kostyumlar, taqinchoqlar va boshqa jihozlar tayyorlash texnologiyalarini joriy etish maqsadida tashkil etildi.

Pedagog ustaxonasi doirasida har bir tarbiyachi o’z qo’li bilan tayyorlagan katta va kichik guruhlar yoshiga mos ko’rgazmali qurollari bilan qatnashishdi. Yangi rejalar va g’oyalar haqida fikr almashdilar. O’qituvchi va bolajonlar ijrosidagi musiqiy chiqishlar va raqs dasturlari barchaga yuqori kayfiyat bag’ishladi.