Sirdaryo viloyati Maktabgacha va maktab ta’limi boshqarmasi boshlig’i N.Xolbayeva tomonidan Xovos tumanidagi ta’lim muassasalari rahbarlarining 2025-yil davomida erishgan yutuqlari hamda istiqbolli rejalariga oid taqdimotlari batafsil tahlil qilinmoqda.

Taqdimotlarda:
ta’lim muassasalarida amalga oshirilgan ishlar,
o‘quvchilar erishgan yutuqlar,
pedagog kadrlar malakasini oshirish bo‘yicha chora-tadbirlar,
2026-yilga mo‘ljallangan reja va tashabbuslar ko’rib chiqilmoqda.

Boshqarma boshlig‘i taqdimotlarni atroflicha ko‘zdan kechirib, ta’lim sifati va samaradorligini oshirish, zamonaviy pedagogik yondashuvlarni joriy etish hamda o‘quvchilarning bilim ko‘rsatkichlarini yanada yaxshilash bo‘yicha tegishli topshiriq va tavsiyalar berdi.

Xovos tumanida ushbu tashabbus doirasida ta’lim muassasalari faoliyatini tizimli tahlil qilish, mavjud kamchiliklarni bartaraf etish va ilg‘or tajribalarni ommalashtirishga qaratilgan amaliy ishlar yo‘lga qo‘yilmoqda.

Mazkur uchrashuvlar rahbarlar o‘rtasida tajriba almashish, yangi g‘oyalarni muhokama qilish hamda ta’lim jarayonini yanada takomillashtirishga xizmat qilmoqda.