Pedagogik mahorat markazida Reggio Emilia yondashuvi asosida ta’lim-tarbiya jarayonini tashkil etish mavzusidagi seminar-treningning tantanali ochilish marosimi bo‘lib o‘tdi.

Mazkur seminarda Samarqand viloyati, Toshkent viloyati, Toshkent shahri hamda Sirdaryo viloyatidagi davlat maktabgacha ta’lim tashkilotlarining direktor o‘rinbosarlari (mentorlar) faol ishtirok etmoqda.

Reggio Emilia metodi — bolani ta’lim jarayonining markaziga qo‘yuvchi, uning fikrlashi, ijodkorligi va mustaqil o‘rganishini rivojlantirishga qaratilgan zamonaviy pedagogik yondashuvdir.

🔹Ushbu metodga ko‘ra:

👶 Bola — faol izlanuvchi va tadqiqotchi;
🎨 O‘yin, rasm, muloqot va tajriba orqali bilim olinadi;
👩‍🏫 O‘qituvchi — yo‘naltiruvchi va hamkor;
🏫 Ta’lim muhiti — “uchinchi o‘qituvchi” hisoblanadi.

Reggio metodi bolalarda:

✅ mustaqil fikrlash
✅ijodiy yondashuv
✅ jamoada ishlash
✅o‘z fikrini erkin ifodalash
ko‘nikmalarini shakllantiradi.

Bugungi kunda Reggio Emilia yondashuvi maktabgacha va boshlang‘ich ta’limda samarali qo‘llanilib, ta’lim sifatini oshirishga xizmat qilmoqda