Boyovut tumanidagi 25-sonli davlat maktabgacha ta’lim tashkilotida Sirdaryo viloyatining barcha hududlaridan kelgan maktabgacha ta’lim tizimi mutaxassislari ishtirokida viloyat miqyosidagi o‘quv-amaliy seminar bo‘lib o‘tdi.

Tadbir O‘zbekiston Respublikasi Maktabgacha va maktab ta’limi vazirligining 2025-yil 19-maydagi 161-son buyrug‘i asosida, “Turon kichkintoylari” bolalar teatr jamoalarini tashkil etish va rivojlantirish doirasida tashkil etildi.  Ular orqali kichkintoylar o‘z iqtidorini ochib berish, jamoaviy ishlash, obrazga kirish, ifoda vositalaridan foydalanish ko‘nikmalarini sinovdan o‘tkazadilar.

Ma’lumot uchun:

✅2025-yil sentabridan boshlab barcha davlat maktabgacha ta’lim tashkilotlarida «Turon kichkintoylari» teatr jamoalari faoliyati yo‘lga qo‘yiladi;
✅Har yili maktabgacha ta’lim muassasalari tarbiyalanuvchilari o‘rtasida teatr festivallari o‘tkaziladi;
✅Avgust oyida maktabgacha ta’lim tashkilotlari tarbiyachilari uchun teatr yo‘nalishidagi o‘quv-amaliy seminarlar tashkil etiladi;

✅Har bir maktabgacha ta’lim muassasasida teatr jamoasining repertuari, sahna chiqishlari va elementlari asosida to‘g‘rilangan metodik yo‘riqnomalar joriy etiladi;
✅Bolalar bilan ishlashda “Ilk qadam” davlat o‘quv dasturiga teatr elementlari integratsiyalashgan holda, sahnalashtirilgan mashg‘ulotlar muntazam o‘tkaziladi.