Guliston shahridagi 15-sonli davlat maktabgacha ta’lim tashkilotida Sirdaryo viloyati tuman va shaharlarida g‘olib bo‘lgan jamoalar o‘rtasida “Zakovat” intellektual o‘yinlari: bolalar nigohida nomli tadbirning final bosqichi bo‘lib o‘tdi.

Mazkur tadbir Sirdaryo viloyati Maktabgacha va maktab ta’limi boshqarmasi boshlig‘i tashabbusi bilan tashkil etilib, maktabgacha yoshdagi bolalarning tafakkurini rivojlantirish, bilimga bo‘lgan qiziqishini oshirish va jamoaviy ishlash ko‘nikmalarini mustahkamlashga qaratilgan.

Final bosqichida viloyatdagi barcha hududlardan saralab olingan, tuman va shahar bosqichlarida g‘oliblikni qo‘lga kiritgan jamoalar ishtirok etdi. Bolajonlar tezkor fikrlash, mantiqiy savollarga javob berish, topqirlik va bilimda o‘zaro bellashdilar.

1-o’rin Guliston shahar Quvonch nomli DMTT «Dono bolajonlar»
2-o’rin Sardoba tumani 10-sonli DMTT «Jajji zakovatchilar»
3-o‘rin Shirin shahar 2-sonli DMTT «Tong yulduzchalari»
Tadbir yakunida g‘olib jamoalar diplom va esdalik sovg‘alari bilan taqdirlandi.

Bu kabi intellektual loyihalar ta’lim tizimida sog‘lom raqobatni rivojlantirish bilan birga, bolajonlarning intellektual salohiyatini yuzaga chiqarishda muhim omil bo‘lib xizmat qiladi