Joriy yilning 26-may kuni Guliston shahar 11-umumta’lim maktabida viloyat maktabgacha va maktab ta’limi boshqarmasi boshlig’i N. Xolbayeva, Viloyat prokuraturasi mas’ul xodimi K.Xamidov va korrupsiyaga qarshi kurashish va huquqiy nazorat sho’basi boshlig’i R. Kulmatov ishtirokida barcha tuman shahar bo’limi boshliqlari va maktabgacha va maktab ta’limi rahbarlariga 1-maydan 1-iyungacha «Korrupsiyaga qarshi kurashish oyligi» doirasida seminar bo’lib o’tdi.

“Korrupsiyani oldini olish va unga qarshi kurashish” mavzusida xodimlarni “Korrupsiyaga qarshi kurashish virtual akademiyasi” elektron platformasida malakasini oshirish;

➡️maktabgacha taʼlim muassasalari tarbiyalanuvchilarida korrupsiya tushunchasini yoshga mos tarzda tushuntirish, odob-axloq qoidalariga amal qilish, halollik va adolatlilik kabi hislatlarni shakllantirishga qaratilgan tadbirlarni o‘tkazish;

➡️umumiy o‘rta taʼlim muassasalarida “O‘quvchi yoshlar halollik tarafdori” 10 kunligini tashkil etish;

➡️umumiy o‘rta taʼlim muassasalarida “Sinf soat”lari doirasida “Halollik qadriyatlari”, “To‘g‘rilik, mehnatsevarlik xotirjam hayot asosi”, “Korrupsiya – davlatni yemiruvchi, insonni tubanlashtiruvchi illat” mavzularida targ‘ibot tadbirlarini o‘tkazish;

tizimdagi oliy taʼlim, maktabgacha va maktab taʼlimi muassasalari hamda tashkilotlarida “Yoshlar korrupsiyaga yo‘q deydi” mavzusida eng yaxshi rasmlar tanlovini tashkil etish;

➡️o‘quvchilarda korrupsiyaga nisbatan murosasizlik his-tuyg‘ularini shakllantirish, shuningdek, mustahkam “immunitet”ga ega shaxslarni tarbiyalashga qaratilgan “Halollik” to‘garaklarni tashkil etish;

➡️tizimdagi oliy taʼlim va umumiy o‘rta taʼlim muassasalarining ijtimoiy tarmoqlaridagi sahifalarida “Stop korrupsiya heshtegi” chellenjini o‘tkazish kabi masalalar ko’rib chiqildi.

Shuningdek, kadrlar siyosatini tubdan qayta ko‘rib chiqish va kadrlar bilan bog‘liq jarayonlarni tartibga solish (xodimlarni ishga qabul qilish va lavozimlarga taynlashda tanlovlar o‘tkazish, bunda tanish bilishchilik, qarindosh-urug‘chilik va mahalliychilikka yo‘l qo‘ymaslik), korrupsiyaga qarshi kurashish bo‘yicha ichki hujjatlar talablariga rioya qilinishi bo‘yicha tekshiruvlar o‘tkazish va hududiy bo‘limlar hamda tizim tashkilotlari va muassasalari faoliyatini o‘rganish masalalari muhokama qilindi