Mamlakatimiz yoshlarini harbiy-vatanparvarlik, milliy va umuminsoniy qadriyatlarga hurmat, yuksak ma’naviy-axloqiy fazilatlar ruhida tarbiyalash, ularning ongiga tinchlik va totuvlikni ko‘z qorachig‘idek asrab-avaylash zarurligini chuqur singdirish, shuningdek, “O‘zbekiston — 2030” strategiyasida mamlakatimizni har tomonlama rivojlantirish bo‘yicha belgilangan keng ko‘lamli vazifalarni samarali amalga oshirish hamda O‘zbekiston Respublikasi Prezidentining 2024-yil 15-noyabrdagi “O‘quvchi-yoshlarni chaqiruvga qadar boshlang‘ich tayyorlash tizimini yangi bosqichga olib chiqish chora-tadbirlari to‘g‘risida” tegishli qarorining ilovasi bilan tasdiqlangan “O‘quvchilarda Vatan himoyachisi bo‘lishga mehr va havas uyg‘otish bo‘yicha” chora-tadbirlarda belgilangan vazifa yuzasidan Sirdaryo viloyati hududida joylashgan umumta’lim maktablari 11-sinf bitiruvchi o‘quvchilarining harbiy poligonlarda otish amaliy mashg’ulotlari bo’lib o’tishi rejalashtirilgan.

Fotolavhalarda Sirdaryo viloyatining Boyovut, Guliston, Oqoltin, Sayhunobod, Sirdaryo, Mirzaobod tumanlari va Guliston, Yangiyer, Shirin shahar umumta’lim maktablari 11- sinf o‘quvchilari Angren dala o‘quv maydonida amaliy o‘q otish mashqini bajarmoqdalar