Korrupsiya davlat xizmatchilarining poraxo‘rligi, mansabini suiste’mol qilishi, hokimiyatning obro‘sizlanishiga, mamlakatning siyosiy, iqtisodiy, huquqiy tizimiga putur yetishiga sabab bo‘ladi. Bunday jinoyatlar davlatning milliy xavfsizligiga jiddiy tahdid soladi.

Bugunga qadar Davlat va jamiyat hayotining barcha sohalarida korrupsiya omillarini keltirib chiqarayotgan tizimli muammolarni bartaraf etishga qaratilgan 30 taga yaqin qonun, 100 taga yaqin Prezident va Hukumat qarorlari qabul qilingan.

Joriy yilning 26-mart kuni Sirdaryo viloyati 11-umumta’lim maktabida «Jinoyatning kelib chiqish sabablari va uni sodir etilishiga imkon bergan shart–sharoitlarni bartaraf etish to‘g‘risida hamda tizim xodimlari o‘rtasida korrupsiyaga qarshi murosasiz munosabatni shakllantirish va huquqiy ongini va madaniyatini yukasaltirish» mavzusida seminar tashkil etildi.

Seminarda Viloyat prokuraturasi uyushgan jinoyatchilik va korrupsiyaga qarshi kurash bo‘limi, alohida muhim ishlar bo‘yicha tergovchisi Abduraqibov X.N, boshqarmaning Korrupsiyaga qarshi kurashish va huquqiy nazorat sho‘basi boshlig‘i Kulmatov Rashid va boshqarma rahbariyati tomonidan Guliston shahar bo’limi xodimlari hamda maktabgacha va maktab ta’limi tizimidagi direktorlariga bir qator ko’rsatmalar berildi.

Mamlakatimizda davlatning konstitutsiyaviy asoslarini yemiruvchi, fuqarolarning huquq va erkinliklari buzilishiga olib keluvchi bu mudhish jinoyatga qarshi kurashish, korrupsiyani keltirib chiqaruvchi sabab va shart-sharoitlarni oldini olish borasida tizimli ravishda tashkiliy-huquqiy islohotlar amalga oshirilmoqda.