Xabaringiz bor, 25-noyabrdan 4-dekabr kuniga qadar viloyat Barkamol avlod bolalar maktabida 900 ga ortiq 9-10-11-sinf o‘quvchilari asosiy fan olimpiadasining Sirdaryo viloyati bosqichida bilimlarini sinovdan o‘tkazishdi.

Bugun eng kuchlilar bir manzilda jam bo‘ldi. Olimpiadaning taqdirlash marosimi ko‘tarinki ruhda o‘tdi. Unda viloyat Maktabgacha va maktab ta’limi boshqarmasi boshlig‘ining birinchi o’rinbosari Odil Gaymnazarov ishtirok etib, barcha g‘oliblarni tabrikladi.

Shundan so‘ng 15 ta fan bo‘yicha 1-2-3-o‘rin egalariga diplom hamda pul mukofotlari tantanali ravishda topshirildi.

1-o‘rin uchun – 2 million 250 ming so‘m
2-o‘rin uchun – 1 million 500 ming so‘m
3-o‘rin uchun – 1 million 125 ming so‘m pul mukofoti ajratildi.

Ma’lumot uchun, jami g‘oliblar soni 141 nafarni tashkil etgan bo‘lib, 47 nafar 11-sinf o‘quvchilari olimpiadaning respublika bosqichida ishtirok etishadi.

Sirdaryo viloyati MMTB axborot xizmati