Maktab o’quvchilari o’rtasida sahna madaniyati rivojlantirish, iste’dodli yoshlarni qo’llab-quvvatlash maqsadida tashkil etilgan mazkur tanlovning Sirdaryo viloyat bosqichi bugun erta tongdan Sirdaryo viloyat musiqali drama teatrida boshlandi.

1-shart «Bizning maktab»

Bu shartda ishtirok etuvchi guruhlar 6 daqiqa davomida ta’lim olayotgan maktabining erishgan yutuqlarini badiiy, musiqiy va sahna ko‘rinishi orqali namoyish etadi. Guruhlarning chiqishida ko‘rgazmali vositalardan foydalanishga ruxsat etiladi. Ushbu shartda jamoaning nomi, emblemasi va shiorini tanlab olganiga e’tibor qaratiladi. Maksimal ball 10 ball bilan baholanadi.

2-shart «Teatr-ibratxona» sahna ko‘rinishi

🗣️Mazkur shartda ishtirok etuvchi jamoalar milliy va umuminsoniy qadriyatlar, urf-odat va an’analarimizga zid bo‘lmagan, tarbiyaviy ahamiyatga ega bo‘lgan asarlardan birini tanlab (mualliflik sahna asarlari ham inobatga olinadi), sahna asarini namoyish etadi. Hakamlar hay’ati ishtirokchilarning aktyorlik iste’dodi, sahna madaniyati, asarni to‘g‘ri tanlay olishi, nutq madaniyati, asar qahramonlarining kiyimi va dekoratsiyasi, tarbiyaviy ahamiyatga ega ekanligiga e’tibor qaratadi. Bu shart uchun 15 daqiqa vaqt ajratiladi va 20 ball bilan baholanadi.

«Turon maktab teatri» tanlovining Sirdaryo viloyati bosqichi g‘oliblari aniqlandi

🥇-o‘rin Boyovut tumani 41-sonli maktabning «Buyuk Turon avlodlari» guruhi;
🥈-o‘rin Shirin shahar 1-sonli maktabning «Turon ziyosi» guruhi;
🥉-o‘rinni Sayxunobod tumani 20-sonli maktabning «Jadidlar» guruhi egalladi.

Birinchi o‘rinni egallagan Boyovut tumani 41-sonli umumiy o‘rta ta’lim maktabining «Buyuk Turon avlodlari» guruhi tanlovning yakuniy Respublika bosqichiga yo‘llanma oldi.