Joriy yilning 27-may kuni Guliston shahridagi 15-sonli davlat maktabgacha ta’lim tashkilotida “Dolzarb 90 kunlik  yozgi sog‘lomlashtirish dasturi”ga bag‘ishlangan tadbir bo‘lib o‘tdi.

Tadbirni Maktabgacha ta’lim bo‘limi boshlig‘i o’rinbosari M.Mamarasulov ochib berdi. U o‘z so‘zida ushbu yozgi dasturning mazmuni, uni qanday tashkil etish va bolalar uchun mazmunli hamda qiziqarli mashg‘ulotlarni o‘tkazish bo‘yicha bir qator tavsiyalar berdi.

Shuningdek, tadbir davomida 15-sonli DMTT direktori M.Bayzaqova yozgi sog‘lomlashtirish dasturining ish rejasi haqida batafsil ma’lumot berdi. Unda quyidagi asosiy yo‘nalishlar belgilangan:

Bolalar uchun estafeta yo‘lakchalarini tashkil etish va bezatish;

Sog‘lomlashtirish mashg‘ulotlarini amalga oshirish;

Hududda obodonlashtirish ishlarini olib borish;

Bolalarni jismoniy va ma’naviy jihatdan chiniqtirishga qaratilgan tadbirlar.

Tadbir davomida bolalar tomonidan tayyorlangan raqslar bilan dastur yanada ko‘tarinki ruhda davom etdi. Shuningdek, tarbiyachilar va mas’ullar o‘rtasida fikr almashuvlar ham tashkil etildi.

Bunday tashabbuslar bolalarning sog‘lom rivojlanishi, faol va baxtli yoz faslini mazmunli o‘tkazishlari uchun mustahkam zamin yaratadi.