Sirdaryo viloyati Guliston shahar 15-sonli umumta’lim maktabida “Bo‘lajak yosh muhandislar” nomli fan olimpiadasining viloyat bosqichi bo’lib o’tmoqda. Toshkent to‘qimachilik va yengil sanoat instituti rektori tashabbusi bilan tashkil etilgan ushbu olimpiada matematika, fizika va kimyo fanlariga qiziquvchi yoshlarni birlashtirib, ularning bilim va salohiyatini namoyon etishga xizmat qilmoqda.

Ma’lumot uchun, Yoshlarda muhandis-texnik yo‘nalishlarga bo‘lgan qiziqishni yanada kuchaytirish maqsadida olimpiada g‘oliblariga institutning maxsus shartlari belgilangan pulli va DAMAS avtomobili nazarda tutilgan vaucherlar tarqatish, ya’ni g‘oliblar 2025-yil qabulida Toshkent to‘qimachilik va yengil sanoat institutiga hujjat topshirib, institut talabalari safiga qabul qilingan taqdirda vaucherda ko‘zda tutilgan sovrinlar ularga tantanali topshirilishi reja qilingan.

Olimpiadaning respublika bosqichi g‘oliblari uchun quyidagi sovrinli vaucherlar ko‘zda tutilgan, har bir fan bo‘yicha:

1-o‘rin uchun DAMAS avtomobili;
2-o‘rin uchun 20 000 000 so‘m;
3-o‘rin uchun 10 000 000 so‘m.

Olimpiadaning tuman va viloyat bosqichi g‘oliblari uchun ham turli miqdordagi pulli vaucherlar ko‘zda tutilgan.