Mirzaobod tumanida ta’lim sohasini rivojlantirish va yosh avlodga munosib sharoit yaratish maqsadida keng ko‘lamli ishlar amalga oshirilmoqda. Bugun Dehqonobod mahallasidagi 12-maktabgacha ta’lim tashkilotining tantanali ochilish marosimi bo‘lib o‘tdi.
Mazkur ta’lim muassasasi davlat investitsiya dasturi asosida to‘liq qayta qurilib, 120 nafar bolani qabul qilish imkoniyatiga ega bo‘ldi.

Mirzaobod tumanida taʼlim sifatini oshirish va o‘quvchilar uchun qulay shart-sharoitlar yaratish maqsadida 2- va 24-umumtaʼlim maktablari foydalanishga topshirildi.

2-umumtaʼlim maktabida rekonstruksiya ishlari amalga oshirilib, eski bino kapital taʼmirdan chiqarildi hamda qo‘shimcha 210 o‘rinli yangi o‘quv binosi qurib bitkazildi. Natijada, ushbu taʼlim muassasasining umumiy o‘rinlar soni 420 ga yetdi. Shuningdek, 24-umumtaʼlim maktabida ham mavjud binolar to‘liq taʼmirlanib, qo‘shimcha 240 o‘rinli yangi o‘quv binosi va zamonaviy sport zali barpo etildi. Natijada, maktabdagi umumiy o‘rinlar soni 320 ga ko‘paydi. Ushbu loyihalar Investitsiya dasturi doirasida amalga oshirildi.

Tuman hokimi Abdurahim Umarov yangi binolarning ochilish marosimida ishtirok etib, o‘qituvchilar va o‘quvchilarni ushbu muhim voqea bilan qutladi. U o‘z nutqida Prezidentimiz tomonidan taʼlim sohasiga katta eʼtibor qaratilayotganini taʼkidlab, bu kabi zamonaviy maktablar yoshlar uchun yangi imkoniyatlar yaratishini qayd etdi.